Bilal Community Center

May Allah bring you joy, happiness, peace and prosperity on this blessed occasion. Wishing all our community members, their families and Muslims all over the world on this happy occasion of Eid! Eid Mubarak!

May Allah flood your lives with happiness on this occasion, your heart with iman, your soul with yaqeen, your mind with wisdom. BCC Board of directors invites all muslims of Ethiopian heritage in the DFW area to come together and collectively promote our beautiful Islamic way of life. wishing you all the very best Eid.

BCC Board of Directors.

አሰላሙ አለይኩም ወረህመቱላሂ ወበረካትሁ

በዳላስ ቴክሳስ የሚገኘው የቢላል ኮሚኒቲ በህዝበ ሙስሊሙ መፍትሔ አፈላላጊ ኮሚቴ መሪዎች ላይ የሚነዙትን ሀሰተኛና መሰረተቢስ ወሬዎች በቅርበት እየተከታተለ ሲሆን ይህ እኩይ ተግባር እነዚህ ጥቂት ስም አጥፊ ግለሰቦችና ደጋፊዎቻቸው የደረሱበትን የዝቅጠት ደረጃ በጉልህ ያሳያል። ቢላል ኮሚኒቲ የመፍትሔ አፈላላጊ ኮሚቴው መሪዎች በጉዳዩ ላይ የሰጡት መግለጫ ወቅታዊና ተገቢ መሆኑን ያምንበታል። የቢላል ኮሚኒቲ እነዚህ ግለሰቦች የኮሚቴው መሪዎች በይቅር ባይነት “ተመከሩ፣ ተውባ አድርጉ፣ ኮሚቴውንም ይቅርታ ጠይቁ!” በሚል ያቀረቡትን እስላማዊ የሰላም ጥሪ ተቀብለው ከእኩይ፣ ከፋፋይና አፍራሽ ተግባራቸው እንዲታቃቡ ይመክራል።

ታሪክን መለስ ብሎ ለሚቃኝ ማንኛውም ሰው ኢትዮጵያውን ጨቋኝ ሥርዓቶችን  ለመለወጥና በምትኩ የህዝቦችን መብት የሚያከብር ሥርዓት ለመገንባት ለዘመናት ሲታገሉ ኖረዋል። ሙስሊም ኢትዮጵያውንም በዜግነት የሚደርሱ በደሎችና ጭቆናዎችን ከመታገል በተጨማሪ ሃይማኖታዊ ነጻነታቸውን ለማስከበር በዚህ ረጅም የትግል ሂደት ከፍተኛ ሚና እንደነበራቸው ይታወቃል። ይሁንና ሙስሊሙ ህብረተሰብ በየዘመናቱ ከተከሰቱት ለውጦች የሚገባውን ያህል ተጠቃሚ ሳይሆን መቆየቱ በገሃድ የሚታይ እውነታ ነው። ለዚህ መሰረታዊ ችግር ከሆኑት ውስጥ የሙስሊሙ የትግል ግብ አቅጣጫውን በውል ያልለዬ፣ እንቅስቃሴው የተበታተነና አመራሩ ቅንጅነ የጎደለው መሆኑ የራሱ ድርሻ እንደነበረው ግልጽ ነው።

ረጅሙን ታሪካዊ ሂደት አልፈን ወደአሁኑ የሙስሊም ኢትዮጵያውን የእንቅስቃሴ ስንመለስ የሙስሊሙ ትግሉ እምርታዊ ለውጥ አሳይቷል። የዚህ እምርታዊ ለውጥ አንዱና ዋናው መሰረት በትግሉ ሂደት ነጥሮ የወጣው የህዝበ ሙስሊሙ መፍትሔ አፈላላጊ ኮሚቴ መሪዎች በሳልና ቆራጥ አመራር መሆኑ ከህዝበ ሙስሊሙ ባሻገር የእንቅስቃሴው ደጋፊ የነበረው መላው የኢትዮጵያ ህዝብ የሚያውቀው ሀቅ ነው። የአሁኑ የሙስሊሙ እንቅስቃሴ የጠራ ግብ ያለው፤ በዲስፕሊን የመሪዎቹን መመሪያ የሚከተል ሰላማዊ ማህበረሰብ የፈጠረ፤ የተቀናጀ፣ በሳልና ጠንካራ መሪዎች የሚመሩት፣ ራሱን ችሎ ታግሎ የሚያታግል፣ በአርአያነት የሚጠቀስ ህዝባዊ ትግል ነው። ሂደቱን በገለልተኝነት የሚከታተሉ የዓለም አቀፍ የፖለቲካ ጠበብትም የሙስሊሙ እንቅስቃሴ በኢትዮጵያ ሰላማዊ የትግል ሂደት ውስጥ ፈር ቀዳጅ ሰላማዊ ትግል መሆኑን መስክረውለታል። በኋላም በመላ ኢትዮጵያ ለተቀጣጠለው ሰላማዊ ትግል መነሻውና መሰረቱ ይህ የሙስሊሙ ጠንካራና ለዓመታት የዘለቀ እልህ አስጨራሽ ትግል ነው። የሙስሊሙ እንቅስቃሴ ለዚህ የበቃው ደግሞ በግንባር ቀደምነት የመፍትሔ አፈላላጊ ኮሚቴ መሪዎች በሰጡት የሰከነና ቆራጥ አመራር መሆኑ ለአፍታ እንኳ ሊዘነጋ አይችልም።

ይህ የሙስሊሙ እንቅስቃሴ መሰረቱ አገር ቤት ያለው ህዝበ ሙስሊምና መላው የኢትዮጵያ ህዝብ መሆኑ እንዳለ ሆኖ በውጭ ሀገር የምንኖረውም ለትግሉ ድጋፍ በማድረግ የድርሻችንን እያበረክትን እንገኛለን። አሁንም በውጭ አገር ከምንኖረው የሚጠበቀው ይህን መሰል የትግል አጋርነት እንጂ በሬ ወለደ በሚል አሉባልታ በትግል ተፈትነው ብቃታቸውን ያስመሰከሩትን በሳልና ባለራዕይ የኮሚቴ መሪዎች ወደኋላ መጎተትና ስማቸውን በሀሰት ማጠልሸት ብሎም ህዝበ ሙስሊሙን መከፋፈል ሊሆን ፈጽሞ አይገባም።

አሁንም በድጋሚ የቢላል ኮሚኒቲ በዚህ አፍራሽ፣ ከፋፋይና እኩይ ተግባር የተሰማሩ ወገኖች ተመከሩ፣ ድጋፍ መስጠት ባትችሉ እንቅፋትና ጎታች ከመሆን ታቀቡ እንላለን። ይህን የሰላም ጥሪ ጥሰው በእኩይ ዘመቻቸው ለሚቀጥሉ ወገኖች ግን የቢላል ኮሚኒቲ በተናጠልም ሆነ ከሌሎች እህት ኮሚኒቲዎች በጋራ በመሆን አስፈላጊና ተገቢ የሆነ ህጋዊ እርምጃ ከመውሰድ ወደኋላ የማይል መሆኑን ያስገነዝባል።

በዚህ አጋጣሚ በሰሜን አሜሪካ ለሚገኙ እህት ኮሚኒቲዎች እነዚህ በኮሚቴው መሪዎች ላይ አሉባልታና መርዝ የሚነዙ ግለሰቦች በመከከላችን የሚኖሩ እንደመሆኑ ተመክረው ካልተመለሱ አፋጣኝና የማያዳግም የተቀናጀ እርምጃ እንድንወስድ ጥሪ ያቀርባል።

አላህ ቀጥተኛውን መንገድ ይምራን!

የቢላል ኮሚኒቲ የዳይሬክተሮች ቦርድ

ዳላስ፣ ቴክሳስ

ጁን 3፣ 2018 G.C.